Eýroodaq Grýzııa parlamentiniń sheshimine qatysty málimdeme jasady

<p>BRıÝSSELЬ. KAZINFORM &ndash; Seısenbi kúni Eýropalyq syrtqy áreket qyzmeti málimdeme jarııalap, onda EO Grýzııa parlamentiniń respýblıka prezıdentiniń syrtqy yqpaldyń ashyqtyǵy týraly zańǵa qoıǵan vetosyn eńsergenine qatty ókinetinin bildirdi.</p>

«Eýropalyq Odaq Grýzııa parlamenti qabyldaǵan zań EO-nyń negizgi prıntsıpteri men qundylyqtaryna qaıshy keletinin birneshe ret atap ótti. Onyń qabyldanýy Eýropalyq komıssııanyń Grýzııaǵa EO-ǵa úmitker el mártebesin berý týraly usynysynda kórsetilgen toǵyz qadamnyń kem degende úsheýi (jalǵan aqparat berý, polıarızatsııa, negizgi quqyqtar men azamattyq qoǵam uıymdarynyń qatysýy) boıynsha artqa sheginýge ákeledi», - dep habarlaıdy ESÁQ baspasóz hatshysy Peter Stano. 

Brıýssel Grýzııa bıligin bul úrdisti joıyp, Eýroodaq jolyna berik oralýǵa shaqyrady.

«Dınamıkany ózgertýge áli ýaqyt bar, biraq basqarý organdarynan kúshti mindetteme qajet. EO jáne oǵan múshe elder osy oqıǵalarǵa jaýap berýdiń barlyq nusqalaryn qarastyrýda», - dep atap ótti EO dıplomatııalyq qyzmeti. 

Buǵan deıin Grýzııa parlamenti respýblıka prezıdenti Salome Zýrabıshvılıdiń «Sheteldik yqpaldyń ashyqtyǵy týraly» zańǵa qoıǵan vetosyn joıýǵa daýys bergen. Bul zańnyń qabyldanýy AQSh pen Eýroodaq tarapynan synǵa ushyrady.