Eýroodaq elderiniń syrtqy shekarasy 1 shildeden bastap ashyla bastaıdy

NUR-SULTAN. QazAqparat – Eýrokomıssııa (EK) Eýroodaqqa múshe memleketterge ishki shekaralyq baqylaýdy 15 maýsymǵa qaraı toqtatýdy jáne 1 shildeden bastap syrtqy shekarany kezeń-kezeńimen ashýdy usyndy, dep habarlaıdy QazAqparat EK resmı saıtyna silteme jasap.

«Keıbir úshinshi elderde densaýlyq saqtaý salasynda jaǵdaı áli de syn kótermeıdi. Sondyqtan EK bul kezeńde jalpy saparǵa shyǵýdy shekteýdi alyp tastaýdy (Eýroodaqqa) usynyp otyrǵan joq. Shekteý múshe memlekettermen birlesip, tańdalǵan elderde ǵana alynýy tıis, onda da shynaıy krıterııler eskeriletin bolady», delingen saıtta jarııalanǵan málimdemede .

Munymen qatar Eýrokomıssııa úshinshi elden EO-ǵa kirýge ruqsat beriletin azamattar sanatyn keńeıtýdi usyndy. Atap aıtqanda, sheteldik stýdentterge ruqsat berilmek.

EK munymen qosa Eýroodaq elderin syrtqy shekarany ashqannan keıin vızalyq operatsııalardy qaıta jandandyrýǵa shaqyrdy.

Bul oraıda aıta ketken jón, shekteý aldymen epıdemıologııalyq jaǵdaıy EO elderimen shamalas memleketterden alynady.

Sondaı-aq mundaı elderdiń tizimi udaıy jańartylatyn bolady.