Eýroodaq ekonomıkalyq boljamdaryn qaıta qaraıtynyn málimdedi
09:27, 12 Shilde 2022
BRıÝSSELЬ. QazAqparat - Eýrokomıssııa Ýkraınadaǵy soǵystyń saldaryna baılanysty osy jáne kelesi jyldarǵa arnalǵan ekonomıkalyq boljamdaryn qaıtadan qaraıtynyn málimdedi, dep habarlaıdy QazAqparat Euronews.com. saıtyna silteme jasap.
«Biz bıyl ekonomıkalyq ósim aıtarlyqtaı turaqty ekenin kórip otyrmyz. Degenmen, kelesi jyldarǵa boljamdardy qaıta qaraýǵa týra keledi. Óıtkeni kóptegen belgisizdikter men táýekelder bar, ókinishke oraı, ınflıatsııa jaǵymsyz tosynsyılar ákelýde», - dedi Eýropalyq komıssııanyń ekonomıkalyq máseleler boıynsha vıtse-prezıdenti Valdıs Domborvskıs.
Ekonomıkalyq ósimge áser etken eki jyldyq pandemııaǵa qaramastan, Dombrovskıs qazirgi ýaqytta quldyraý belgileri joq dep sendirdi. Mamyr aıynda Eýroaımaqtyń JІÓ 2,7%-ǵa ósýi boljandy. Bir aıdan keıin jyldyq aǵyn 8,6% jańa rekordqa jetti.