Eýroodaq delegatsııasy Túrkııaǵa saparmen barady

BRıÝSSELЬ. QazAqparat - Eýropalyq komıssııanyń prezıdenti Ýrsýla fon der Lıaıen Túrkııaǵa resmı saparmen barady, dep habarlaıdy QazAqparattyń menshikti tilshisi.

«Biz adal seriktestikke umtylamyz», - dedi Ýrsýla fon der Leıen.

Seısenbide Eýropalyq Keńestiń basshysy Sharl Mıshel men Eýropalyq komıssııanyń prezıdenti Ý. Lıaıen Túrkııada el prezıdenti R. Erdoǵanmen kelissózder júrgizdi.

Sh. Mısheldiń aıtýynsha, Ankaraǵa sapardyń basty maqsaty Túrkııamen qarym-qatynasty «qaıta bastaý» múmkindikterin izdeý boldy. «Túrkııa basshylyǵy muny paıdalanady dep úmittenemiz», - dedi Eýropalyq keńestiń basshysy. Sondaı-aq ol Ankara men Brıýsseldiń eki jaqty qarym-qatynasy sońǵy birneshe aıda «jylynǵanyn « aıtty. Eýrokomıssııanyń prezıdenti Ý. Lıaıen EO men Túrkııa arasyndaǵy áriptestikti qalpyna keltirý – bul áli de «joldyń basy» ekenin atap ótti.

«Aldaǵy aptalar men aılar osy jolmen qanshalyqty alysqa bara alatynymyzdy kórsetedi», - dedi V.Lıaıen.

Sapar barysynda eýropalyq delegatsııa Túrik basshylyǵyna ekonomıkalyq baılanystardy nyǵaıtýdy, qarym-qatynasty jaqsartý úshin ózara is-qımyldy jaqsartýdy jáne birlesken kóshi-qon saıasatyn qarastyrýdy usyndy.

Avtory: Arnýr Rahymbekov