Eýroodaq alǵashqy koronavırýs vaktsınasyn josparlanǵan merzimnen buryn maquldady

BRıÝSSELЬ. QazAqparat – Eýropalyq Komıssııa dúısenbide Pfizer kompanııasynyń koronavırýsqa qarsy vaktsınasyn resmı túrde maquldady, dep habarlaıdy QazAqparattyń menshikti tilshisi.

«Búgin biz eýropalyqtar úshin alǵashqy COVID-19 vaktsınasyn maquldap, Eýropanyń tarıhyna mańyzdy taraý qosamyz», – dedi Eýropalyq komıssııanyń basshysy Ýrsýla von der Lıaıen.

«Biz ýáde etkendeı, vaktsına EO-nyń barlyq elderi úshin bir ýaqytta, birdeı sharttarda qoljetimdi bolady», – dep túsindirdi ol.

Eýropalyq dárilik zattar jónindegi agenttik dúısenbi kúni oń qorytyndy bergendikten, Komıssııa vaktsınany maquldaǵan. Budan burynyraqta Eýropalyq Komıssııa maquldaýdy keıinge josparlaǵan bolatyn. Alaıda qoǵamnyń úndeýine baılanysty eýropalyq ınstıtýttar qaraý merzimderin barynsha jedeldetti. Belgııadaǵy Pfizer óndiristik alańynan vaktsınalardyń alǵashqy partııalary EO-ǵa múshe elderge jaqyn kúnderi jiberiledi. EO boıynsha vaktsınalaý aǵymdaǵy jyldyń 27 jeltoqsanynan bastalýy múmkin.