Eýroodaq alǵash ret gazǵa qaraǵanda kún men jelden kóp energııa aldy

BRıÝSSELЬ. QazAqparat – Ember taldaý ortalyǵynyń málimetteri boıynsha, Eýropalyq odaq alǵash ret gazdy jaǵýdan góri jańartylatyn kózderden kóbirek energııa aldy. EO-da eń kóp jel jáne kún energııasyn Germanııa óndirdi, dep habarlaıdy QazAqparat Deutsche Welle-ge silteme jasap.

2022 jyly Eýropalyq odaq alǵash ret gazdy jaǵýdan góri jańartylatyn kózderden kóbirek energııa alǵan. Mundaı derek EO klımat saıasaty boıynsha zertteýler júrgizetin Ember taldaý ortalyǵy jarııalaǵan esepte keltirilgen.

Onyń esebine sáıkes, ótken jyly EO-da elektr energııasynyń shamamen 22%-y kún jáne jelden óndirilgen. Sonymen qatar, gaz jaǵý shamamen 20% boldy.

Eýroodaq elderi 2022 jyly 203 teravatt-saǵat (TVt saǵ) kún energııasyn óndirdi, bul – ótken jylmen salystyrǵanda 39 Tvts-ǵa nemese 24%-ǵa kóp. Osylaısha, Ember sarapshylarynyń esepteýinshe, gaz satyp alýǵa jumsalatyn qarajatty shamamen 10 mlrd eýroǵa únemdeýge múmkindik týdy. Jel energetıkasy EO-ǵa 420 TVts qýat berdi, bul – 2021 jylmen salystyrǵanda 33 TVts artyq.

Jańartylatyn kózderden eń kóp energııany EO-da 2022 jyly Germanııa alǵan – 126 TVts jelden jáne 59 TVts kún esebinen.

Foto: dw.com