Euronews Býrabaı men Shymbulaq týraly sıýjet kórsetti

ASTANA. QazAqparat - Euronews arnasyndaǵy «Saıahat» aıdarynda Qazaqstannyń tanymal týrıstik nysandary - Býrabaı men Shymbulaq týraly vıdeorolıkter kórsetilip jatyr, dep habarlaıdy QazAqparat Euronews-qa silteme jasap.

«Býrabaı ulttyq parki - 835 sharshy shaqyrymdy quraıtyn tumsa tabıǵat. Onda aǵashtar, taýlar jáne kólder ornalasqan. Býrabaı - Astana turǵyndaryna keńinen tanymal demalys orny. Onda qala turǵyndary birneshe kúnge tabıǵat aıasynda demalý úshin keledi», - dep baıandady halyqaralyq telearnanyń tilshisi.

Atqa minýge basa nazar aýdarylyp, týrısterge atpen júrýdi úıretetin Erjan Іlııasov pen onyń uly Alan týraly da atalyp ótilgen. Olar ár týrıske on mınýt boıy atqa minýdi úıretedi, keıin olardyń árqaısysy ózdigimen atpen júrip ketedi. Muny Euronews tilshisi ózi teksergenin tilge tıek etti.

Eýropalyq jýrnalısterdiń nazaryna Almatyǵa jaqyn ornalasqan Shymbulaq taý shańǵysy kýrorty ilikti.

«Aspaly joldyń ekinshi aıaldamasy 3 200 metr bıiktikte muzdyqtyń eteginde ornalasqan. Bul jerden ásem tabıǵatty tamashalaýǵa bolady. Mundaǵy sulýlyq Eýropadaǵy tanymal taýlardan kem emes. Jazda bul jerden tyrnaqutan men sýyrlardy kezdestirýge bolady», - dedi sıýjettiń avtory.

Arna kórermenderi arasynda búrkitpen ań aýlaý týraly sıýjet de keńinen tanylǵan.

«Búrkit Qazaqstanda nyshandyq mánge ıe. Ony kók tústiń ortasynda búrkit beınelengen memlekettik týdan kórýge bolady. Ol Shyńǵyshannyń baıraǵy ispettes. Búrkitpen ań aýlaý - Qazaqstannyń ejelgi dástúri», - dep aıtylady rolıkte.