Eýrokomıssııa Ýkraınadan kelgen bosqyndarǵa 3,5 mlrd eýro bóldi

BRıÝSSELЬ. QazAqparat – Eýropalyq Komıssııa Ýkraınadan kelgen bosqyndardy óz aýmaǵynda qabyldaý úshin Eýroodaqqa múshe memleketterge 3,5 mıllıard eýrodan astam avans tóledi, dep habarlaıdy QazAqparattyń menshikti tilshisi.

Biriktirý saıasaty jáne reformalar jónindegi eýrokomıssar Elıza Ferreıra: «Eýropalyq Odaq Ýkraınamen, sondaı-aq bizdiń múshe-memlekettermen bosqyndardy qabyldaý úshin yntymaqtasady. Búgin biz yntymaqtastyǵymyzdyń taǵy bir naqty nátıjesin kórip otyrmyz. Ol – birigý qoryn eń qajet baǵytqa jumyldyrý», – dep málimdedi.

Eýropalyq Odaqtyń jumyspen qamtý jáne áleýmettik quqyqtar jónindegi komıssary Nıkolas Shmıt: «Ýkraınadan qashqan adamdar qaýipsiz ómirin qalpyna keltirý úshin dereý qoldaýdy qajet etedi. Osy avans arqyly odaqqa múshe memleketter muqtaj jandarǵa azyq-túlik, baspana, densaýlyq saqtaý, bilim salalarynda, jumysqa turýda kómek jáne taǵy basqalaryn usyna alady», – dedi.

Eýrokomıssııanyń baspasóz qyzmeti 2022 jyldyń 24 aqpanynan keıin Eýrokomıssııa Ýkraınadan shyqqan beıbit turǵyndardy qoldaýǵa jáne EO-ǵa múshe memleketterge olardy qabyldaýǵa jáne kómek kórsetýge búkil kúsh-jigerin jumyldyrǵanyn habarlady.

Atap aıtqanda, Eýrokomıssııa 2014-2020 jyldarǵa arnalǵan baǵdarlamalar sheńberinde biriktirý saıasatynan qolda bar resýrstardy ıkemdi jumyldyrý, sondaı-aq 100% qosa qarjylandyrý jáne «REACT-EU» baǵdarlamasy sheńberinde qarjylandyrýdy 3,5 mlrd eýroǵa ulǵaıtý múmkindigin engizdi.

Eýrokomıssııa jarnasy EO-ǵa múshe memleketterdiń memlekettik bıýdjetine túsetin qosymsha júktemeni jeńildetedi.