Eýrokomıssııa pestıtsıdterge qarsy kúreste keri qadam jasady

<p>ASTANA. KAZINFORM &ndash; Eýrokomıssııa tóraıymy Ýrsýla fon der Lıaıen EO aýmaǵynda zııankester men aramshópke qarsy hımııalyq quraldar paıdalanýdy qysqartýdy qarastyratyn zań jobasyn keri qaıtaryp aldy. Bul odaqqa múshe elderdiń &laquo;Jasyl mámilesine&raquo; qatty soqqy bolyp sanalady, dep habarlaıdy&nbsp;<a href="https://ru.euronews.com/green/2024/02/06/eu-to-withdraw-pesticide-targets" target="_blank" rel="noopener">Euronews.&nbsp;</a></p>

Turaqty paıdalaný týraly ereje (SUR) alǵash ret 2022 jyldyń maýsym aıynda usynylǵan bolatyn. Onyń maqsaty 2030 jylǵa qaraı pestıtsıdterdiń qoldanylýyn eki ese qysqartý edi. Ol sondaı-aq qalalyq saıabaqtar men adam qoly tımegen tabıǵı jerler sııaqty aımaqtarda hımıkattarǵa tolyq tyıym salýdy qarastyrǵan.

SUR jobasy áýelden-aq kelispeýshilik týdyryp, aýyl sharýashylyǵy sektory tarapynan qııan-keski lobbıleý nysanyna aınaldy. Ótken jyly ony Eýroparlament qabyldaǵan joq. Qazirgi kezde zań jobasy EO-ǵa múshe elder arasyndaǵy saıası kelissózder kezeńinde qalyp otyr. Bul jobany sońyna deıin jetkizýge nıet az ekenin tanytyp otyr.

«Komıssııa SUR-ǵa ósimdikterdi qorǵaýdyń hımııalyq quraldarymen baılanysty táýekeldi laıyqty maqsatpen tómendetýdi usyndy. Alaıda SUR usynysy polıarızatsııa sımvolyna aınaldy», - dedi fon der Lıaıen seısenbide Strasbýrgte eýrodepýttar arasynda sóılegen sózinde.

Fon der Lıaıenniń sheshimi ońshyl saıasatkerlerdiń Eýropanyń «Jasyl mámilege» qarsylyǵynyń kúsheıýi jáne qorshaǵan ortany qorǵaý erejeleriniń aýyrtpalyǵyna shaǵymdanǵan ashýly fermerlerdiń keń taralǵan narazylyqtary jaǵdaıynda qabyldandy.

Narazylyq qozǵalysy ótken aptada EO sammıti kezinde Brıýsselge jetip, haos pen qıraý týdyrdy. Fon der Leıen Belgııa jáne Nıderland premer-mınıstrlerimen birge sammıtten keıin birden aýyl sharýashylyǵy salasynyń ókilderimen kezdesýge qatysty.

Seısenbi kúni tańerteń sóılegen sózinde Eýrokomıssııa basshysy zań shyǵarýshylardy klımattyń ózgerýi, Reseıdiń Ýkraınaǵa basyp kirýi jáne ómir súrý daǵdarysynyń saldarymen betpe-bet kelgen «fermerler únine qulaq asýǵa» shaqyrdy.

Alaıda Fon der Lıaıen parnıktik gazdar shyǵaryndylarynyń 10%-dan astamyna teń jáne EO bıýdjetinen aıtarlyqtaı sýbsıdııalanatyn sektor «turaqty óndiris úlgisine» kóshýi tıis dep sanaıdy.