Eýrokomıssııa kópkonfessııaly Qazaqstanda tarıhı, mádenı dástúrlerdi eskerý qajettigimen kelisedi
Jumys sapary barysynda mınıstr Ortalyq Azııa elderimen yntymaqtastyq jónindegi Eýroparlament delegatsııasynyń basshysy Iveta Grıgýlemen, bizdiń óńir boıynsha EO arnaıy ókili Pıter Býrıanmen, Belgııa Musylman atqarýshy komıtetiniń prezıdenti Salah Eshallaýımen kezdesti.
Kezdesý barysynda áńgime negizinen Qazaqstan men Eýroodaq arasyndaǵy yntymaqtastyqtyń ekijaqty máseleleri jaıynda boldy.
«Sondaı-aq azamattyq qoǵamdy damytý men ózara is-qımyl, Qazaqstanda úkimettik emes uıymdar men dinı birlestikter qyzmetin retteý boıynsha zańnama máseleleri kóterildi», - dep atap ótti QR Din isteri jáne azamattyq qoǵam mınıstri.
Onyń aıtýynsha, Eýrokomıssııa QR saıasatyn qoldaıdy jáne «Qazaqstanda kópkonfessııaly jáne kópulysty memlekettiń tarıhı jáne mádenı dástúrlerin eskerý qajettigimen kelisedi».
Budan basqa taraptar dinı ekstremızmge qarsy is-áreket máseleleri boıynsha pikir almasty.