Eýrokomıssııa Izraılge qarý-jaraq jetkizbeıdi - ıAnez Lenarchıch

<p>ASTANA. KAZINFORM &ndash; Frantsııanyń Strasbýrg qalasynda Eýroparlamenttiń kezekti kóshpeli sessııasy ótti. Pikirtalastyń negizgi máseleleriniń biri &ndash; Gaza sektory men Lıvandaǵy jaǵdaı. Bul týraly Kazinform <a href="https://www.inform.kz/ru/situatsiya-v-gaze-i-livane-obsuzhdaetsya-evrodeputatami-v-strasburge-fa40f1" target="_blank" rel="noopener">tilshisi habarlaıdy.&nbsp;</a></p>

Birqatar eýrodepýtat Izraıldiń Lıvandaǵy BUU ýaqytsha kúshteriniń nysandaryna birneshe ret shabýyl jasaǵannan keıin eldegi BUU mıssııasyn qorǵaýǵa shaqyrdy.

Pikirtalasqa Daǵdarysty basqarý jónindegi Eýrokomıssar ıAnez Lenarchıch qatysyp, Eýroodaq HAMAS-ty qarjylandyryp otyr degen keıbir aıyptaýlardyń negizsiz ekenin aıtty.

«EO HAMAS-ty qarjylandyrmaıdy. Sonymen qatar, Eýrokomıssııa Izraılge qarý-jaraq jetkizýmen aınalyspaıdy. Bul EO-ǵa múshe memleketterdiń qatysýymen jasalǵan ekijaqty kelisimdermen retteledi», - dedi ıAnez Lenarchıch.

Budan basqa, Eýrokomıssar qaqtyǵys taraptaryn azamattyq ınfraqurylymdy qıratýdy jáne BUU-nyń «UNIFIL» ýaqytsha kúshterine shabýyldardy toqtatýǵa shaqyrdy.

Buǵan deıin Izraıl qorǵanys kúshteri (TsAHAL) Lıvannan 20-ǵa jýyq zymyran ushyrylǵanyn tirkedi.