Eýrokomıssııa fermerlerdi shuǵyl qoldaýǵa qosymsha qarajat bóledi

<p>ASTANA. KAZINFORM &ndash; Búgin Eýropalyq komıssııa jaqynda qolaısyz klımattyq qubylystardan zardap shekken Aýstrııa, Chehııa, Polsha jáne Portýgalııadaǵy jemis-jıdek, kókónis jáne sharap óndirý sektorynda jumys isteıtin fermerlerdi qoldaý úshin aýylsharýashylyq qordan 77 mln eýro jumyldyrýdy usyndy.</p>

EO-ǵa múshe memleketter qabyldaǵan Eýrokomıssııanyń usynystary Aýstrııaǵa 10 mln eýro, Chehııaǵa 15 mln eýro, Polshaǵa 37 mln eýro jáne Portýgalııaǵa 15 mln eýro bóledi. 

Aýyl sharýashylyǵy jónindegi Eýropalyq komıssar ıAnýsh Voıtsehovskıı "osy tótenshe qoldaýdyń kómegimen Eýropalyq komıssııa Aýstrııa, Chehııa, Polsha jáne Portýgalııadaǵy fermerlerimizge óte qajet kómek kórsetetinin» aıtty. Bul fermerler bastan ótkergen úlken klımattyq jáne naryqtyq kúızelister barǵan saıyn aýyr jáne boljanbaıtyn daǵdarystar jaǵdaıynda turaqtylyqty nyǵaıtý úshin bıýdjettegi kúshti aýylsharýashylyq rezerviniń mańyzdylyǵyn taǵy bir ret tanytyp otyr".

«Fermerlerimizdiń turaqtylyǵy – qoǵamymyzdyń turaqtylyq negizi. Sondyqtan qazir jáne bolashaqta Eýrokomıssııa qıyn kezeńderde olardyń janynan tabylady», - dedi ıA.Voıtsehovskıı.