Eýrokomıssııa 2019-2020 jyldarǵa jasaǵan munaı baǵasynyń boljamdy baǵasyn tómendetti

BRıÝSSELЬ.QazAqparat - Eýropa komıssııasy 2019-2020 jyldarǵa jasaǵan munaı baǵasyna qatysty boljamyn ózgertti. Bul týraly retteýshiniń seısenbide jarııalanǵan kóktemgi ekonomıkalyq boljamynda aıtylǵan, dep habarlaıdy QazAqparat menshikti tilshisi.

Bıyl Eýrokomıssııa Brent markaly munaıdyń ortasha baǵasy barreline 69,2 dollar bolady dep boljady, bul vedomstvonyń byltyrǵy qarasha aıyndaǵy baǵalaýynan 14 paıyzǵa tómen.

Sonymen qatar, Brent munaıynyń 2020 jylǵy boljaldy baǵasy da bóshkesine 67,8 dollar delinip ózgertildi. Qarasha aıyndaǵy qujatta bul 76,7 dollar dep kórsetilgen.

Eýrokomıssııa bul qadamyn bylaısha túsindiredi, bıyl Venesýela men Iranǵa salynǵan amerıkalyq sanktsııa faktory Kanadanyń munaı óndirýin qalpyna keltirip, AQSh-tyń taqtatas (slanets) munaıynyń eksportyn ulǵaıtady.

Sonymen birge, vedomstvo bıylǵy jylǵy álemdik JІÓ ósimine qatysty boljamyn tómendetip, 3,2 paıyz etip belgiledi, ol byltyrǵy qarashadaǵy qujatta 3,5% bolǵan edi. 2020 jyly Eýrokomıssııa álemdik ekonomıka ósimin 3,5% deıin qarqyn alady dep kórsetti.

«Syrtqy salada taýarlyq kıkiljińder odan ári shıelenise túsedi, damýshy naryqta ásirese Qytaıda jaǵdaı ýshyǵa túsedi». Eýrokomıssııanyń habarlamasynda Eýro jáne áleýmettik dıalog máseleleri boıynsha eýrokomıssar Valdıs Dombrovskıstiń sózderi keltirilgen.

Sonymen qatar, Eýrokomıssııa eýroaımaqtyń bıylǵy JІÓ ósimine qatysty boljamyn azaıtty. Eýroaımaq ekonomıkasy 2019 jyly 1,2 paıyzǵa ǵana ósedi. Kóktemde ǵana Eýrokomıssııa bıylǵy ósimdi 1,3%, al 2018 jylǵy qarasha aıyndaǵy boljamynda 1,9 paıyz dep kórsetken edi.


Avtory Tımýr Dúısekeev