Eýrokeńes basshysy gýmanıtarlyq kómek kútip, mert bolǵan Gaza turǵyndaryna qatysty málimdeme jasady

<p>BRıÝSSELЬ. KAZINFORM &ndash; &laquo;Gaza sektorynda gýmanıtarlyq kómekti taǵatsyzdana kútip otyrǵan beıkúná turǵyndardyń keshegi ólimine qynjyldym&raquo;. Eýropalyq keńes basshysy &nbsp;Sharl Mıshel osyndaı málimdeme jasady, dep habarlaıdy Kazinform agenttiginiń menshikti tilshisi.</p>

«Halyqaralyq quqyq qos standartqa jol bermeıdi. Dereý táýelsiz tergeý júrgizip, kinálilerdi jaýapqa tartý kerek», - dedi eýropalyq saıasatker.

Mısheldiń aıtýynsha, BUU BAPOR (UNRWA) sııaqty mamandandyrylǵan agenttikter usynatyn gýmanıtarlyq kómekti jetkizýge múmkindik berý úshin atysty shuǵyl toqtatý qajet.

Aıta keteıik, beısenbi kúni Gaza qalasynda gýmanıtarlyq kómek kútip turǵan júzdegen palestınalyqqa Izraıl áskeri oq jaýdyrdy. Saldarynan 100-den astam adam qaza taýyp, 700-ge jýyq adam jaraqat aldy.