ASTANA. KAZINFORM - Fýtboldan 17 jasqa deıingi Qazaqstan jasóspirimder quramasy Eýropa chempıonaty ekinshi irikteý satysyn sátti ótkizdi.
Olar ekinshi oıynda Lıtva quramasymen jasyl alańǵa shyqty. Kezdesý barysynda Ismaıl Bekbolat 58, 80, 89-mınýtta úsh gol soǵyp, het-trıktiń avtory atandy. Al Abylaı Tóleýhan 21, Dáýlet Orynbasar 75-mınýtta bir-bir goldan soqty. Oǵan lıtvalyq fýtbolshylar eki golmen jaýap qaıyrdy.
Osylaısha qarsylasynan 5:2 esebimen basym túsken qazaqstandyq fýtbolshylar óz tobyndaǵy oıyndardy eki jeńispen birinshi orynda aıaqtady.
Aıta ketsek, budan buryn olar Grýzııany 3:0 esebimen tize búktirgen edi. Bul oıynda Dáýlet Orynbasar 48, 75, Ismaıl Bekbolat 55-mınýtta mergendik tanytty.
Eske sala keteıik, búgin fýtboldan Qazaqstan quramasy syrt alańda Lıhtenshteınge qarsy kezdesý ótkizedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.