Eýro-2026: Qazaqstan fýtzal quramasynyń irikteý satysyndaǵy oıyn kestesi anyqtaldy

<p>ASTANA. KAZINFORM - Fýtzaldan Qazaqstan quramasynyń 2026 jylǵy Eýropa chempıonaty irikteý satysyndaǵy oıyn kestesi belgili boldy. Qazaqstandyq fýtzalshylar <a href="https://kaz.inform.kz/news/euro-2026-futzaldan-kazakstan-kuramasinin-rkteu-satisindagi-karsilastari-kmder-25f028/" target="_blank" rel="noopener">altynshy topta</a> Armenııa, Danııa jáne Albanııa quramalarymen oınaıdy.</p>

Qurlyqtyq doda 2026 jyldyń 18 qańtary men 8 aqpany aralyǵynda Lıtva jáne Latvııada ótedi.

Іrikteý týrnıri 2024 jyldyń 9 jeltoqsanynda bastalady. Іrikteý satysynda quramalar árbir qarsylasymen óz jáne syrt alańda eki oıyn ótkizedi.

Qazaqstandyq fýtzalshylar irikteý kezeńindegi alǵashqy oıynyn syrt alańda bıylǵy jyldyń 13 jeltoqsanynda Albanııaǵa qarsy ótkizse, 18 jeltoqsanda óz alańynda Armenııany qabyldaıdy.

Al, 2025 jyldyń 1 aqpanynda syrt alańda Danııamen oınasa, óz alańynda 5 aqpanda Danııamen, 7 naýryzda Albanııamen sheberlik baıqasady. Sońǵy oıynyn 12 naýryzda Armenııaǵa qarsy ótkizedi. 

El quramasy Eýropa chempıonaty fınaldyq satysynda úsh márte baq synady. 2016 jyly qola júldeger atanyp, 2018 jyly tórtinshi orynǵa taban tirese, 2022 jyly 1/4 fınalǵa deıin jetti.

Eske salsaq, Qazaqstan quramasy álem chempıonatyna qatysý úshin Ózbekstanǵa bardy.