Euro-2026: Fýtzaldan Qazaqstan quramasynyń aldaǵy eki kezdesýge qatysatyn oıynshylary anyqtaldy

<p>ASTANA. KAZINFORM - Fýtzaldan Qazaqstan ulttyq quramasynyń 2026 jylǵy Eýropa chempıonatynyń irikteý kezeńindegi aldaǵy eki kezdesýge qatysatyn oıynshylar tizimi belgili boldy.</p>

El quramasy altynshy topta Armenııa, Danııa jáne Albanııamen sheberlik baıqasady. Top jeńimpazy Eýropa chempıonatyna tikeleı joldama alady. Ekinshi oryn alǵandardyń ishinen 8 úzdik qurama ótpeli match oınaıdy.

Іrikteý kezeńi 2024 jyldyń 13 jeltoqsany men 2025 jyldyń 12 naýryzy aralyǵynda bolady.

El quramasy 13 jeltoqsanda syrt alańda Albanııamen kezdesse, 18 jeltoqsanda óz alańynda Armenııany qabyldaıdy.

Al 2025 jyldyń 1 aqpanynda syrt alańda Danııamen oınasa, odan keıin atalǵan quramamen óz alańynda 5 aqpanda sheberlik baıqasady.

Sondaı-aq, 7 naýryzda óz alańynda Albanııany qabyldasa, 12 naýryzda Armenııa quramasyna qonaqqa barady.

Bas bapker Rıkardo Kaka Albanııa men Armenııaǵa qarsy eki kezdesýde tizimge 17 oıynshy engizdi.
Fýtzaldan Qazaqstan quramasynyń oıynshylar tizimi:

Qaqpashylar: Leo Igıta («Semeı»), Narýn Serikov («Qaırat»), Qanat Jetkirbaev («Aqtóbe»);

Alańdaǵy oıynshylar: Birjan Orazov, Dáýren Tursaǵulov, Jahangir Rashıt, Arnold Knaýb, Damır Qaıyrbaı (barlyǵy – «Qaırat»), Dýglas («Ál-Ýla», Saýd Arabııasy), Shyńǵys Esenamanov, Aqjol Dáribaı, Ábdirásil Abdýmanapuly, Erjan Karmenov (barlyǵy – «Semeı»), Azat Valıýllın, Nurmuhammed Ismaılov (ekeýi de – «Aıat»), Leo Mendonka (RFSh, Latvııa), Nurqanat Baqtııarov («Jetisý»).