EURO - 2024: Vengrııalyq Barnabash Varga oıyn barysynda aýyr jaraqat aldy

<p>ASTANA. KAZINFORM - Fýtboldan 2024 jylǵy Eýropa chempıonatyndaǵy Vengrııa men Shotlandııa kezdesýinde vengrııalyq Barnabash Varga qaqpashymen soqtyǵysyp, aýyr jaraqat aldy.</p>

23 maýsymda Germanııanyń Shtýtgart qalasyndaǵy «Mersedes-Bents-Arena» stadıonynda Shotlandııa men Vengrııa quramalary kezdesti. 

Oıyn barysynda Barnabash Varga shotlandııalyq qaqpashy Angýs Gann jáne qorǵaýshy Grant Henlımen soqtyǵysyp qaldy. Sodan keıin ózin jaısyz sezinip, alańǵa qulap qaldy. Oǵan dárigerler tarapynan dereý kómek kórsetildi. Dese de ol óz-ózine kele alǵan joq. Sondyqtan ony dárigerler jedel járdem kóligimen alyp ketýge májbúr boldy. 

Aıta ketsek, 2020 jylǵy Eýropa chempıonatynda danııalyq Krıstıan Erıksen oıyn ústinde júregi toqtap, adań ústine qulap túsken edi. Sol sátte dárigerler oǵan alǵashqy járdem kórsetip, keıinnen medıtsınalyq mekemege jetkizildi. Uzaq ýaqyttan soń aýrýynan qulan-taza aıyǵyp, úlken fýtbolǵa qaıta oraldy. 

Vengrııa fýtbol federatsııasy Barnabash Varganyń densaýlyq jaǵdaıy jóninde baıandady. Olardyń aıtýynsha, qazir fýtbolshy Shtýtgart qalasyndaǵy aýrýhanaǵa jetkizilgen. Jaǵdaıy turaqty dep baǵalanyp otyr. 

Aıta ketsek, atalǵan kezdesýde Vengrııa quramasy Shotlandııadan 1:0 esebimen basym tústi.