EURO 2024: Ýkraına alǵashqy jeńisine qol jetkizdi

<p>ASTANA. KAZINFORM &mdash; Fýtboldan 2024 jylǵy Eýropa chempıonatynyń segizinshi oıyn kúni, 21 maýsymda úsh oıyn ótedi.</p>

E tobynda Slovakııa men Ýkraına oınaıdy.

Eki qurama úshin de búgin jeńiske jetý mańyzdy edi. Alǵashqy týrda Slovakııa Belgııadan 1:0 esebimen basym tússe, ýkraınalyq fýtbolshylar Rýmynııaǵa 0:3 esebimen oısyraı jeńildi. 

Kezdesý barysynda Slovakııa quramasy jyldam gol soǵyp úlgerdi. Oıynnyń 17-mınýtynda olardyń qatarynan Ivan Shrants mergendik tanytty. Ýkraınalyq fýtbolshylar odan tarazy basyn teńestirýge umtylǵan edi. Birinshi kezeńde basqa gol soǵylǵan joq.

Ekinshi kezeńde Ýkraına shabýyl shebinde jıi boı kórsetti. Áriptesi Aleksandr Zınchenkonyń bergen pasyn Nıkolaı Shaparenko 54-mınýtta qaqpaǵa dál kózdedi.

Ol 80-mınýtta áriptesi Roman ıAremchýkke pas shyǵaryp, óz quramasynyń basymdyǵyn arttyrdy. 

Osylaısha Ýkraına qarsylasyn 2:1 esebimen qapy qaldyryp, qurlyqtyq dodadaǵy alǵashqy jeńisine qol jetkizdi.

Bul toptaǵy Rýmynııa men Belgııa kezdesýi 22 maýsymda ótkiziledi.

Atalǵan toptaǵy úshinshi týr oıyndarynda Ýkraına men Belgııa, Slovakııa men Rýmynııa sheberlik baıqasady. 

Búgin, 22 maýsymda D tobyndaǵy Polsha men Avstrııa kezdesýi 22.00-de ótkizilse, Nıderland jáne Frantsııa kezdesýi 00.00-ge belgilengen.