Eýro-2024: Túrkııa quramasy Grýzııadan basym tústi
Kezdesý basynan túrkııalyq fýtbolshylar belsendiligi baıqalǵan edi. Qurlyqtyq dodada tusaýkeser oıynyn ótkizip jatqan grýzııalyq qurama negizinen qorǵanysqa kóbirek kóńil bóldi. Soǵan qaramastan túrik fýtbolshysy Mert Mıýldıýr 25-mınýtta mergendik tanytty.
Arada nebári eki mınýt ótkende Kenan Iyldyz esepti ústemeleı tústi. Fýtbolshynyń oıynnan tys qalýyna baılanysty tóreshi bul goldy esepke alǵan joq.
Osydan keıin grýzııalyq fýtbolshylar belsendiligin kórsetti. Osyndaı sátterdiń birinde tarazy basyn teńestirýge múmkindik aldy. Ony Jorj Mıkaýtadze 32-mınýtta óziniń enshisine jazdy.
Ekinshi kezeńde túrkııalyq qurama qaıtadan belsendiligin artttyrdy. Nátıjesinde olardyń qatarynan Arda Gıýler 65-mınýtta óz quramasyn alǵa shyǵardy.
Al túrkııalyq Kerem Aktıýrkoglý 97-mınýtta qorytyndy esepti belgiledi.
Osylaısha Túrkııa qarsylasyn 3:1 esebimen tize búktirdi.
Endi atalǵan topta saǵat 23:55-te Portýgalııa men Chehııa oıyny bastalady.
Erteń, 19 maýsymda A tobyndaǵy Germanııa men Vengrııa, Shotlandııa men Shveıtsarııa, V tobyndaǵy Horvatııa men Albanııa ekinshi týr oıyndaryn ótkizedi.