Eýro-2024: Shotlandııa Ispanııany 38 jyldan keıin jeńdi

ASTANA. QazAqparat - Fýtboldan 2024 jylǵy Eýropa chempıonatyna irikteý satysynyń 2-týry máresine jetti, dep habarlaıdy QazAqparat tilshisi.

Bul kúni A, D, I toptarynda ekinshi týr oıyndary ótti.

Negizgi oıynnyń biri A tobynda Shotlandııa men Ispanııa arasynda bolǵan edi.

Alǵashqy týrda Ispanııa óz alańynda Norvegııany, Shotlandııa Kıprdi 3:0 esebimen tas-talqan etip jeńgen bolatyn. Ispanııalyq fýtbolshylar bul joly qarsylasyna qaýqar kórsete almady. Nátıjesinde 0:2 esebine jol berip, jeńilistiń aşy dámin tatty.

Aıta keterligi, budan buryn Shotlandııa atalǵan qarsylasynan 1984 jyldyń 14 qarashasynda basym túsken-di. Endi 38 jyldan keıin sol jetistigin qaıtalap otyr.

Osylaısha eki týrda alty upaı oljalaǵan Shotlandııa óz tobynda kósh basyna shyqty.

Sondaı-aq, atalǵan topta Grýzııa - Norvegııa 1:1 esebimen teń tústi.

Al D tobynda Ýels pen Latvııa 1:1 esebine qanaǵat bildirse, Túrkııa óz alańynda Horvatııaǵa 0:2 esebimen jeńildi.

Al I tobynda Kosovo - Andorra 1:1 esebimen teń oınasa, Shveıtsarııa Izraıldi 3:0, Rýmynııa Belarýsti 2:1 esebimen tize búktirdi.

Endi úshinshi týr oıyndary 16-17, 19-20 maýsym kúnderi ótkiziledi.

Eske salsaq, 26 naýryzda H tobynda Qazaqstan quramasy Danııany 3:2 esebimen utty.