Euro-2024: San-Marıno – Qazaqstan matchyn qaıdan kórýge bolady

ASTANA. QazAqparat – Fýtboldan 2024 jylǵy Eýropa chempıonatyna irikteý satysyndaǵy Qazaqstan ulttyq quramasynyń San-Marınoǵa qarsy kezdesýi qaı telearnadan kórsetiletini belgili boldy, dep habarlaıdy QazAqparat tilshisi.

San-Marıno – Qazaqstan oıyny maýsymnyń 16-synan 17-ine qaraǵan túni elorda ýaqytymen 00:35-de bastalady. Kezdesý «Qazsport» telearnasynan tikeleı efırde kórsetiledi.

Quramalar H tobynda oıyn kórsetedi. Qarsylastary – Slovenııa, Danııa, Soltústik Irlandııa, Fınlıandııa.

Qazirge deıin quramalar eki oıynnan ótkizdi. Qazaqstandyq fýtbolshylar óz alańynda Slovenııadan 1:2 esebimen jeńilip, Danııany 3:2 esebimen tize búktirgen edi.

Al San-Marıno quramasy Soltústik Irlandııa men Slovenııadan 0:2 esebimen jeńilip qaldy.

Sondaı-aq atalǵan kúni Danııa men Soltústik Irlandııa, Fınlıandııa men Slovenııa sheberlik baıqasady.

Eske salsaq, «Manchester Sıtı» Chempıondar lıgasynda jeńimpaz atanǵan bolatyn.