EURO 2024: Resmı doptyń tusaýkeseri jasaldy

<p>ÝEFA jáne Adidas fýtboldan 2024 jylǵy Eýropa chempıonaty fınaldyq satysyndaǵy resmı doptyń tusaýkeserin jasady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

ÝEFA saıtynyń habarlaýynsha, bul saltanatty is-shara Germanııa astanasy Berlın qalasyndaǵy olımpıadalyq stadıonda ótkizildi.

Model «Fussball Liebe» ataýǵa ıe boldy. Ol fýtbolǵa degen mahabbat degen maǵynany bildiredi. Doptyń betinde Germanııanyń qurlyqtyq dodany qabyldaıtyn barlyq stadıony beınelengen.

Atalǵan dop Connected Ball tehnologııasy negizinde jasalǵan. Ol VAR jumysyn jaqsartýǵa jáne derekterdi dál berýge múmkindik jasaıdy.

Qurlyqtyq doda 2024 jyldyń 14 maýsym - 14 shilde aralyǵynda Germanııanyń on qalasynda bolady. Olardyń qatarynda Berlın, Keln, Dortmýnd, Dıýsseldorf, Frankfýrt, Gelzenkırhen, Gambýrg, Leıptsıg, Mıýnhen jáne Shtýtgart qalalary bar.

Eske salsaq, budan buryn 2024 jylǵy Eýropa chempıonatynyń irikteý kezeńi aıasynda Qazaqstan jáne San-Marıno kezdesýine tóreshiler belgilendi.