EURO 2024: Ramazan Orazov Slovenııamen ótken matchtyń úzdik oıynshysy atandy

<p>Fýtboldan Qazaqstan quramasynyń jartylaı qorǵaýshysy Ramazan Orazov Eýropa chempıonaty irikteý satysyndaǵy 20 qarashada Slovenııamen ótken matchtyń úzdik oıynshysy atandy, dep habarlaıdy <a href="Kazinform" target="_blank" rel="noopener">Kazinform</a>.</p>

Bul jóninde Qazaqstan fýtbol federatsııasy málim etti.

El quramasy H tobynda synǵa tústi. Qarsylastary - Danııa, Slovenııa, Fınlıandııa, Soltústik Irlandııa men San-Marıno.

Aıta ketsek, Memleket basshysy Qasym-Jomart Toqaev Qazaqstan quramasynyń elordada ótken Soltústik Irlandııa jáne San-Marıno quramalary kezdesýin tamashalap, jankúıerlik jasady.

Qazaqstandyq fýtbolshylar Soltústik Irlandııany 1:0 esebimen jeńdi.

Al San-Marınony 3:1 esebimen tize búktirdi.

Slovenııa jáne Qazaqstan quramalary ózara kezdesýinde Eýropa chempıonaty fınaldyq satysyna beriletin ekinshi joldama sarapqa salǵan edi.

El quramasy qarsylasyna 1:2 esebimen ese jiberip, óz tobynda 18 upaımen Fınlıandııamen birge úshinshi-tórtinshi oryndarǵa jaıǵasty.

Kezdesý barysynda Ramazan Orazov toqsan mınýt boıy oıyn kórsetti. Ol 47-mınýtta qarsylastar qaqpasyna gol soǵyp, tarazy basyn teńestirgen edi.

Sondaı-aq, ol atalǵan irikteý satysyndaǵy barlyq kezdesýde alǵashqy mınýttan jasyl alańǵa shyqty.

Búginde Ramazan Orazov Slovenııanyń «Koper» komandasynyń namysyn qorǵaıdy.

Ol 1999 jyly Almaty qalasynda dúnıege kelgen. Qazaqstan, Reseı, Latvııa klýbtarynda dop tepti. Ulttyq qurama sapyndaǵy alǵashqy oıynyn álem chempıonaty irikteý satysynda 2021 jyldyń 31 naýryzynda Ýkraınaǵa qarsy ótkizdi.