Eýro-2024: Portýgalııanyń Chehııaǵa sońǵy mınýtta soqqan goly jeńis alyp keldi

<p>ASTANA. KAZINFORM - Fýtboldan 2024 jylǵy Eýropa chempıonatynyń besinshi oıyn kúnin F tobyndaǵy Portýgalııa men Chehııa túıindedi.</p>

Álem fýtbolynda óz ornyn enshilegen Krıshtıaný Ronaldý bastaǵan Portýgalııa quramasy bas júldeden úmitker sanalady. Sheberligimen jasyl alań tórindegi oıyn taǵdyryn sheship kete alatyn qanshama sańlaq jınalǵan qurama alǵashqy mınýttan jyldam gol soǵý múmkindigin izdedi.
Birinshi kezeńde qos qurama kóptegen múmkindikti múlt jiberip aldy. Saldarynan tablodaǵy esepke ózgeris engen joq.

Oıynnyń 62-mınýtynda chehııalyq Lýkash Provod óz quramasyn alǵa shyǵarsa, Robın Granach 69-mınýtta avtogol avtory atandy.

Al 92-mınýtta portýgalııalyq Shıký Konseısaý jeńis golyn soǵyp ketti.

Kezdesý 2:1 esebimen Portýgalııanyń basymdyǵymen aıaqtaldy.

Aıta ketsek, budan buryn atalǵan toptaǵy Túrkııa quramasy Grýzııany 3:1 esebimen jeńdi.

Atalǵan oıynda túrkııalyq Arda Gıýler Ronaldýdyń rekordyn jańartty.

Endi 19 maýsymda A tobyndaǵy Germanııa men Vengrııa, Shotlandııa men Shveıtsarııa, V tobyndaǵy Horvatııa men Albanııa ekinshi týr oıyndaryn ótkizedi.