EURO 2024: Qazaqstan men Danııa kezdesýi úzdik dep tanyldy
12:00, 21 Jeltoqsan 2023
<p>ÝEFA resmı saıtynda 2024 jylǵy Eýropa chempıonaty irikteý satysyndaǵy erekshe qyzyǵýshylyq syılaǵan oıyndar boıynsha jankúıerler arasynda júrgizilgen saýalnamada Qazaqstan men Danııa kezdesýi birinshi oryn aldy, dep habarlaıdy <a href="https://kaz.inform.kz/" target="_blank" rel="noopener">Kazinform. </a></p>
Oǵan jankúıerlerdiń 79 paıyzy qoldap daýys berdi.
Osy jyldyń naýryz aıynda elordada ótken kezdesýde qazaqstandyq fýtbolshylar Danııa quramasynan 3:2 esebimen basym túsken edi.
Birinshi kezeńnen keıin danııalyqtar 2:0 esebimen jeńiske jetip jatty.
Odan keıin nebári 16 mınýttyń ishinde qazaqstandyq qurama qatarynan úsh gol soǵyp, óz tarıhynda alǵash ret Danııa quramasyn tize búktirdi.
El quramasynan Bahtıer Zaınýtdınov (73-mınýt), Ashat Taǵybergen (86-mınýt) jáne Abat Aıymbetov (89-mınýt) mergendigimen kózge tústi.
Aıta ketsek, el quramasy N tobynda úshinshi oryn aldy.
Endi olar Ulttar lıgasy pleı-off satysy arqyly Grekııa, Lıýksembýrg, Grýzııamen qurlyqtyq dodaǵa beriletin jalǵyz joldamany sarapqa salady.