Euro 2024: Qazaqstan quramasy tobynda jańa kóshbasshylar anyqtaldy

ASTANA. QazAqparat - Fýtboldan 2024 jylǵy Eýropa chempıonatyna irikteý satysynda Qazaqstan quramasy synǵa túsip jatqan H tobynda altynshy týrdan keıingi týrnır kestesi belgili boldy, dep habarlaıdy QazAqparat tilshisi.

Atalǵan topta Danııa syrt alańda Fınlıandııany 1:0 esebimen tize búktirse, Slovenııa San-Marınodan 4:0 esebimen basym tústi.

Al Qazaqstan bul týrda Soltústik Irlandııany 1:0 esebimen súrindirgenin buǵan deıin jazǵan bolatynbyz. Solaı, 12 upaımen ekinshi orynǵa kóterilgen bolatyn.

Nátıjesinde qazir týrnır kestesi kelesideı: Danııa - 13 upaı, Slovenııa - 13 upaı, Fınlıandııa - 12 upaı, Qazaqstan - 12 upaı, Islandııa - 3 upaı, San-Marıno - 0 upaı.

Alda tórt týr oıyndary qaldy. Endi quramalar qazan jáne qarasha aılarynda sheberlik baıqasady.

Alǵashqy eki orynǵa ıe bolǵan qurama 2024 jylǵy Eýropa chempıonatynyń irikteý satysyna tikeleı joldama alady.