EURO 2024: Qazaqstan quramasy Danııaǵa ese jiberdi

<p>Fýtboldan 2024 jylǵy Eýropa chempıonaty irikteý satysyndaǵy jetinshi týrynda Qazaqstan quramasy Danıııaǵa ese jiberdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qazaqstandyq fýtbolshylar H tobynda synǵa túsip jatyr. Qazirge deıin el quramasy 12 upaı jınap, tórtinshi orynda turǵan edi. Al ekinshi oryndaǵy Danııanyń enshisinde 13 upaı bar bolatyn.

Sondyqtan búgingi kezdesýde quramalar jeńiske jetýge kúsh salyp, týrnır kestesindegi jaǵdaıyn jaqsartýǵa kúsh saldy.

Alǵashqy mınýttan danııalyq fýtbolshylar jyldam gol soǵýǵa umtyldy. Degenmen oıynnyń 36-mınýtyna deıin qaqpa qulpy ashylǵan joq. Danııalyq Ionas Vınd sol ýaqytta óz quramasyn alǵa shyǵardy. Odan keıin Robert Skov 45, 48-mınýtta esepti ústemeleı tústi.

Oıynnyń 58-mınýtynda qazaqstandyq Roman Vorogovskıı mergendik tanytty.

Osylaısha qazaqstandyq qurama qarsylasyna 1:3 esebimen ese jiberdi.

Endi olar aldaǵy oıynyn 17 qazanda syrt alańda Fınlıandııaǵa qarsy ótkizedi.

Eske salsaq, jetinshi týrda Slovenııa Fınlıandııany, Soltústik Irlandııa San-Marınony 3:0 esebimen jeńdi.