Euro-2024: Qazaqstan-Danııa kezdesýine tóreshiler belgilendi

ASTANA. QazAqparat – Fýtboldan 2024 jylǵy Eýropa chempıonaty irikteý satysynyń ekinshi týryndaǵy Qazaqstan - Danııa kezdesýine tóreshiler belgilendi, dep habarlaıdy QazAqparat tilshisi.

Oıyn 26 naýryzda elordadaǵy «Astana Arena» stadıonynda saǵat 19:00-de ótedi. Kezdesý «Qazsport» telearnasynan tikeleı efırde kórsetiledi.

Oıynda serbııalyq Novak Sımovıch bas tóreshi qyzmetin atqarady.

Oǵan otandastary Nıkola Djorovıch pen Mılosh Sımovıch kómekshilik jasaıdy. Qosalqy tóreshi de – serbııalyq Lazar Lýkıch.

Eske salsaq, alǵashqy týrda Qazaqstan quramasy óz alańynda Slovenııaǵa 1:2 esebimen jol berdi.

Al, Danııa óz alańynda Fınlıandııadan 3:1 esebimen basym tústi. Sondaı-aq, atalǵan topta San-Marıno Islandııaǵa 0:2 esebimen jeńildi.