Euro-2024: Italııa quramasy Albanııanyń osal tusyn tapty

<p>ASTANA. KAZINFORM - Fýtboldan 2024 jylǵy Eýropa chempıonatynyń ekinshi oıyn kúnin V tobyndaǵy Italııa men Albanııa quramalary túıindedi.</p>

Italııa quramasy 2020 jyly qurlyqtyq dodada top jarǵan edi. Qazir jankúıerler «Olar bul ataǵyn qorǵaı ala ma?» degen saýaldy jıi qoıyp keledi.

Kezdesý albanııalyq fýtbolshylardyń eń jyldam gol soǵýymen erekshelendi. Oıynnyń nebári 23-sekýndynda albanııalyq Nedım Baıramı Italııa qaqpasynan sańylaý taýyp ketti. Bul – Eýropa chempıonatynyń alpys jyldan astam tarıhyndaǵy eń jyldam soǵylǵan gol. 2004 jyly Reseı fýtbolshysy Dmıtrıı Kırıchenko 68-sekýndta qanjyǵasyn maılaǵan edi.

Italııalyq qurama tezirek tarazy basyn teńestirýge umtyldy. Oıynnyń 11-mınýtynda Alessandro Bastonı mergendik tanytsa, 16-mınýtta Nıkolo Barella óz quramasyn alǵa shyǵardy. Kezdesýde Italııa qarsylasynan 2:1 esebimen jeńdi.

Eske salsaq, budan buryn atalǵan topta Ispanııa Horvatııany 3:0 esebimen oısyrata jeńdi.

Endi V tobynda 19 maýsymda Horvatııa men Albanııa kezdesse, 20 maýsymda Ispanııa men Italııa oınaıdy.