Euro-2024: Ispanııa quramasy Norvegııamen sheberlik baıqasady

ASTANA. QazAqparat - Naýryzdyń 25-inen 26-na qaraǵan túni fýtboldan 2024 jylǵy Eýropa chempıonatyna irikteý satysy aıasynda birinshi týrdyń úshinshi oıyn kúni ótedi, dep habarlaıdy QazAqparat tilshisi.

Bul kúni A, D, I toptarynda alǵashqy týr oıyndary bolady.

Úshinshi oıyn kúninde A tobynda Ispanııa men Norvegııa quramalary sheberlik baıqasady. Kóptegen fýtbol juldyzy bar ıspanııalyq qurama búgin jeńiske jetý jolyn izdeıtini anyq. Sondaı-aq bul kúni atalǵan topta Shotlandııa men Kıpr quramalary oınaıdy. Olardan basqa topta Grýzııa quramasy da synǵa túsedi.

Al D tobynda Horvatııa men Ýels, Armenııa men Túrkııa kezdesedi. Bul topta taǵy Latvııa quramasy da bar.

I tobynda Belarýs pen Shveıtsarııa, Izraıl men Kosovo, Andorra men Rýmynııa quramalary kezdesedi.

Eske salsaq, 23 naýryzda Eýropa chempıonatynyń irikteý satysy birinshi týrynda Qazaqstan quramasy Slovenııaǵa jol berdi.

Sondaı-aq sol kúni C, H, J toptarynda alǵashqy týr oıyndary ótkizildi.

Al 24 naýryzda V, E, F, G toptarynda alǵashqy týr nátıjesi belgili boldy.