EURO-2024: Ispanııa quramasy Norvegııany jeńip ketti

<p>Fýtboldan 2024 jylǵy Eýropa chempıonatyna irikteý satysynda Ispanııa quramasy Norvegııadan basym tústi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Jankúıerler qazannyń 13-inen 14-ine qaraǵan túni A tobyndaǵy Norvegııa men Ispanııa kezdesýin asyǵa kútti.

Ispanııalyq fýtbolshylar Eýropa chempıonatynyń fınaldyq satysyna joldama alý úshin árbir oıynda jeńiske jetý jolyn izdep keledi. Sondyqtan Norvegııamen kezdesýde de úsh upaı oljalaýǵa kúsh salatyny anyq edi.

Alǵashqy mınýttan qarsylastar qaqpasy mańynda boı kórsetken olarǵa norvegııalyq fýtbolshylar laıyqty qarsylyq kórsetti. Keıbir sátte alań ıeleri qorǵanys shebinde saýatty oıyn kórsete bildi.

Oıynnyń 49-mınýtynda Gavı soqqan gol Ispanııaǵa jeńis alyp keldi.

Osylaısha ıspanııalyq fýtbolshylar qarsylasynan 1:0 esebimen basym túsip, óz tobynda birinshi orynǵa kóterildi.

15 qazandaǵy barlyq oıyn nátıjeci:

A toby: Grýzııa - Kıpr 4:0, Norvegııa - Ispanııa 0:1
D toby: Ýels - Horvatııa 2:1, Túrkııa - Latvııa 4:0
E toby: Chehııa - Farer araldary 1:0, Polsha - Moldova 1:1
I toby: Shveıtsarııa - Belarýs 3:3, Rýmynııa - Andorra 4:0, Kosovo men Izraıl kezdesýi keıinge qaldyryldy.

Endi 16 qazanda B, F, J toptarynda kezekti týr oıyndary ótedi.

Eske salsaq, Eýropa chempıonaty irikteý satysynda Qazaqstan quramasy Danııaǵa ese jiberdi.