ASTANA. KAZINFORM - Fýtboldan 2024 jylǵy Eýropa chempıonatynyń altynshy oıyn kúninde V tobynda ekinshi týrda Horvatııa men Albanııa teń tústi.
Kezdesý barysynda albanııalyq fýtbolshylar jyldam gol soǵyp ketti. Ony 11-mınýtta Kazım Lıachı óziniń enshisine jazdy.
Al horvatııalyq quramadan Andreı Kramarıch 74-mınýtta tarazy basyn teńestirse, 76-mınýtta albanııalyq Klaýs Gıasýla avtogol avtory atandy.
Oıynnyń 95-mınýtynda Klaýs Gıasýla endi qarsylastar qaqpasyna gol soǵyp, qorytyndy esepti belgiledi.
Osylaısha quramalar 2:2 esebine qanaǵat bildirdi.
Endi atalǵan toptaǵy Italııa men Ispanııa kezdesýi 20 maýsymda ótkiziledi.
Úshinshi týrda 24 maýsymda Horvatııa men Italııa, Albanııa men Ispanııa sheberlik baıqasady.
Sondaı-aq búgin A tobynda Germanııa men Vengrııa, Shotlandııa men Shveıtsarııa oıyndary ótedi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.