EURO - 2024: Grýzııa men Chehııa teń tústi
Qurlyqtyq dodaǵa alǵash qatysyp otyrǵan grýzııalyq qurama óz jankúıerlerin qýantýǵa tyrysyp keledi. Ótken týrda Túrkııaǵa 1:3 esebimen ese jibergen olar búgingi kezdesýde jeńiske jetýge bar kúshin saldy.
Oıyn barysynda quramalar tezirek gol soǵýǵa tyrysty. Dese de olardyń tarapynan dáldik jetispeı jatty. Keıbir sátte qaqpashylar ábjildik tanytsa, endigi bir sátte shabýyl shebindegi fýtbolshylar mergendik tanyta almady.
Oıynnyń 49-mınýtynda Chehııa qaqpasyna belgilengen penaltıden grýzııalyq Jorj Mıkaýtadze múlt ketken joq.
Ekinshi kezeńde chehııalyq Patrık Shık 59-mınýtynda tarazy basyn teńestirip ketti.
Osylaısha quramalar 1:1 esebine qanaǵat bildirdi.
Dál qazir atalǵan topta Túrkııa men Portýgalııa quramalary kezdesip jatyr. Ázirge Portýgalııa 2:0 esebimen alda keledi.
Sondaı-aq 00.00-de E tobyndaǵy Belgııa men Rýmynııa kezdesedi.
Eske salsaq, D tobyndaǵy Nıderland pen Frantsııa kezdesýi teń aıaqtaldy.