Euro-2024: Germanııa quramasy Shotlandııany iri eseppen jeńdi
Kezdesý barysynda germanııalyq fýtbolshylar tizgindi oıyn basynan qolynda ustaýǵa tyrysty. Alǵashqy mınýttan qarsylas qurama qaqpasyna shabýyl uıymdastyryp, gol soǵatyn múmkindikti izdedi. Oıynnyń 10-mınýtynda olardyń qatarynan Florıan Vırts qaqpadan sańylaý taýyp, dop dodasyndaǵy alǵashqy goldyń avtory atandy.
Al 19-mınýtta áriptesi Kaı Havertstiń bergen pasyn Djamal Mýsıala múlt jibergen joq. Frantsııalyq bas tóreshi Kleman Tıýrpen 46-mınýtta Shotlandııa qaqpasyna belgilegen penaltıdi Kaı Haverts sheber oryndaı bildi.
Ekinshi kezeńde de germanııalyq fýtbolshylar basymdyqty arttyra tústi. Alańnyń qos qanatynan júıeli túrde shabýylǵa kóshti. Oıynnyń 68-mınýtynda germanııalyq Nıklas Fıýllkrýg gol soqsa, 87-mınýtta Antonıo Rodrıger avtogol avtory atandy. Qorytyndy esepti 93-mınýtta germanııalyq Emre Jan belgiledi. Osylaısha Germanııa qarsylasynan 5:1 eesbimen basym tústi.
Endi búgin, 15 maýsymda A tobynda Vengrııa - Shveıtsarııa, V tobynda Ispanııa - Horvatııa, Italııa - Albanııa oıyndary bolady.
Qurlyqtyq doda oıyndary Germanııanyń Berlın, Dortmýnd, Dıýsseldorf, Maındaǵy Frankfýrt, Gelzenhırken, Gambýrg, Keln, Leıptsıg, Mıýnhen, Shtýtgart sekildi qalalarynda ótkiziledi. Eýropa chempıonaty 1960 jyldan beri uıymdastyrylyp keledi. Qazirge deıin Germanııa, Ispanııa 3, Italııa, Frantsııa 2, KSRO, Portýgalııa, Chehoslovakııa, Nıderland, Danııa men Grekııa 1 retten jeńis tuǵyryna kóterildi.
Eske salsaq, budan buryn fýtboldan Eýropa chempıonatynyń oıyn kestesi jarııalandy.