Euro 2024: Búgin elordada Qazaqstan jáne Soltústik Irlandııa kezdesýi ótedi

ASTANA. QazAqparat - Fýtboldan 2024 jylǵy Eýropa chempıonatyna irikteý satysynda Qazaqstan quramasy altynshy oıynyn Soltústik Irlandııaǵa qarsy ótkizedi, dep habarlaıdy QazAqparat tilshisi.

Qazaqstan jáne Soltústik Irlandııa kezdesýi 10 qyrkúıekte elorda ýaqytymen 19:00-de «Astana-Arena» stadıonynda ótkiziledi.

Oıyn «Qazsport» telearnasynan tikeleı efırde kórsetiledi.

Kezdesýde bas tóreshi Izraıl elinen Roı Raınshraıber bolady. Oǵan otandastary Davıd Elıas Bıton men Sagı Metzamber kómekshilik jasaıdy. Qosalqy tóreshi de sol eldiń ókili Snır Levı.

Qazirge deıin bes oıynnan keıin toǵyz upaı jınaǵan Qazaqstan jáne týrnır kestesinde tórtinshi orynda tur.

Eske salsaq, budan buryn el quramasy bes kezdesý ótkizdi. Qazaqstandyq fýtbolshylar Slovenııadan 1:2 esebimen jeńilse, Danııany (3:2), San-Marınony (3:0), Soltústik Irlandııany (1:0) esebimen qapy qaldyrdy.

Al 7 qyrkúıekte óz alańynda Fınlıandııaǵa jol berdi.

Soltústik Irlandııa quramasy aldymen San-Marınony jeńip, odan keıin Fınlıandııaǵa 0:1, Danııaǵa 0:1, Qazaqstanǵa 0:1, Slovenııaǵa 2:4 esebimen ese jiberdi.

Sondaı-aq, búgin elorda ýaqytymen 21.50-de qazaqstandyq fýtbolshylar oıyn kórsetetin H tobynda Fınlıandııa men Danııa kezdesýi «Qazsport» telearnasynan tikeleı efırde kórsetiledi.

Al 0.45-te Slovenııa men Soltústik Irlandııa quramalary jasyl alańǵa shyǵady.