Euro 2024: Búgin elordada Qazaqstan jáne Fınlıandııa kezdesýi ótedi

ASTANA. QazAqparat - Fýtboldan 2024 jylǵy Eýropa chempıonatyna irikteý satysynda Qazaqstan quramasy besinshi kezdesýin Fınlıandııaǵa qarsy ótkizedi, dep habarlaıdy QazAqparat tilshisi.

Qazaqstan jáne Fınlıandııa kezdesýi 7 qyrkúıekte elorda ýaqytymen 20:00-de «Astana-Arena» stadıonynda ótkiziledi.

Oıyn «Qazsport» telearnasynan tikeleı efırde kórsetiledi.

Qazirge deıin tórt oıynnan keıin toǵyz upaı jınaǵan Qazaqstan jáne Fınlıandııa týrnır kestesinde kósh bastap tur.

Eske salsaq, budan buryn el quramasy tórt kezdesý ótkizdi. Qazaqstandyq fýtbolshylar Slovenııadan 1:2 esebimen jeńilse, Danııany (3:2), San-Marınony (3:0), Soltústik Irlandııany (1:0) esebimen qapy qaldyrdy.

Qazaqstan men Fınlıandııa qazirge deıin bes márte kezdesip úlgerdi. Onyń bireýinde teń nátıje tirkelse, tórteýinde fınlıandııalyq fýtbolshylar jeńiske jetti.

Al búgin elorda ýaqytymen 23.45-te qazaqstandyq fýtbolshylar oıyn kórsetetin H tobynda Danııa men San-Marıno, Slovenııa men Soltústik Irlandııa quramalary jasyl alańǵa shyǵady.

Sondaı-aq, V, E, G toptarynda tórtinshi týr oıyndary ótkiziledi.

Aıta ketsek, «Astana Arena» stadıonyndaǵy halyqaralyq básekege baılanysty elorda joldarynda kólik keptelisin azaıtý maqsatynda, 5 turaq torabynan arnaıy shattl-avtobýstar júredi:

- «Astanalyq tsırk» avtoturaǵy;

- «Qazaqstan» SK avtoturaǵy;

- «Áziret Sultan» meshitiniń turaǵy;

- «Ábý Nasyr Ál-Farabı» meshitiniń turaǵy (Nur-Astana);

- «Jastar» saraıy turaǵy.

Shattl-avtobýstar turaqtardan saǵat 19:00-de qozǵalady.

«Fýtbol matchyn ótkizý kezeńinde qoǵamdyq kólikti paıdalanýǵa shaqyramyz.

Sondaı-aq, match aıaqtalǵan soń fýtbol kórermenderiniń yńǵaılylyǵy úshin qosymsha №10, 12, 21, 26, 28, 37, 40, 49, 51, 53, 60 qalalyq jáne № 303 qala mańy baǵdarlary Qabanbaı batyr dańǵylyndaǵy aıaldamady turady», - dep jazdy jergilikti ákimdikten.