EURO - 2024: Belgııa alǵashqy jeńisine qol jetkizdi
Alǵashqy týrda Belgııa oılamaǵan jerden Slovakııaǵa 0:1 esebimen ese jiberse, Rýmynııa Ýkraınany 3:0 esebimen oısyrata jeńdi.
Qurlyqtyq dodanyń basty favorıti sanalǵan Belgııa búgin jeńiske jetpegen jaǵdaıda Eýropa chempıonatynan erterek qoshtasýǵa týra keletin edi. Osyny túsingen belgııalyq fýtbolshylar birden-aq shabýylǵa kóshti.
Alǵashqy shabýyldyń ózinde olar qanjyǵasyn maılap úlgerdi. Oıynnyń 2-mınýtynda belgııalyq ıÝrı Tılemans óz quramasyn alǵa shyǵardy.
Ekinshi kezeńde belgııalyq shabýylshy Romelý Lýkaký 64-mınýtta gol soqqan edi. Ony tóreshi ofsaıd bolýyna esepke alǵan joq. Onyń alǵashqy týrdaǵy Slovakıaımen kezdesýinde eki goly osyndaı sebeppen sanalmady.
Al 80-mınýtta belgııalyq Kevın De Brıýıne basymdyqty arttyrdy.
Kezdesýde Belgııa quramasy 2:0 esebimen basym tústi.
Atalǵan toptaǵy tórt quramanyń da enshisinde úsh upaıdan bar. Pleı-off satysyna shyǵatyn quramalar úshinshi týrda anyqtalady.
Aıta ketsek, bul toptaǵy taǵy bir kezdesýde 21 maýsymda Ýkraına Slovakııany 2:1 esebimen tize búktirdi.
Endi 23 maýsymda úshinshi týr oıyndary bastalady. Bul kúni A tobynda Shveıtsarııa men Germanııa, Shotlandııa men Vengrııa quramalary sheberlik baıqasady.
Eske salsaq, 22 maýsymda F tobynda Grýzııa men Chehııa 1:1 esebimen teń oınasa, Portýgalııa Túrkııany 3:0 esebimen jeńdi.