EURO-2024: Anglııa quramasy 1/4 fınalǵa shyqty
Kezdesý barysynda slovakııalyq fýtbolshylar qarsylasyna laıyqty qarsylyq kórsetti. Birinshi kezeńde Anglııa quramasynyń shabýylyna toıtarys berdi. Ekinshi kezeńde slovakııalyq Ivan Shrants 25-mınýtta kózdegen nysanadan múlt ketken joq. Budan keıin olar qorǵanysqa kóbirek kóńil bóldi.
Anglııa quramasy tarazy basyn teńestirýge umtyldy. Degenmen oılaǵan maqsatyna jete almaı jatty. Oıynnyń 95-mınýtynda olardyń qatarynan Djýd Bellıngem óz múmkindigin múlt jibergen joq. Osylaısha oıynnyń negizgi kezeńi 1:1 esebimen teń aıaqtalyp, qosymsha kezeńge ulasty. Anglııalyq shabýylshy Garrı Keın 91-mınýtta óz quramasyn alǵa shyǵardy.
Osylaısha Anglııa qarsylasynan 2:1 esebimen basym túsip, 1/4 fınalǵa joldama aldy. Jarystyń atalǵan satysynda olar 6 shildede Shveıtsarııamen kezdesedi.
Aıta ketsek, qazirge deıin quramalar 6 márte kezdesse, 5-de Anglııa jeńip, 1-de teń nátıje tirkeldi. Endi Ispanııa men Grýzııa quramalary sheberlik baıqasady.
Eske salsaq, 29 maýsymda 1/8 fınalǵa Shveıtsarııa men Germanııa joldama aldy.
Qurlyqtyq doda 14 shildede máresine jetedi.