EURO 2024: 30 maýsymda 1/8 fınalda taǵy eki oıyn bolady

<p>ASTANA. KAZINFORM &mdash; Fýtboldan 2024 jylǵy Eýropa chempıonatynda búgin, 30 maýsymda 1/8 fınalda taǵy eki oıyn ótkiziledi.</p>

Bul kúni saǵat 21.00-de Anglııa men Slovakııa sheberlik baıqasady.

Kezdesý Gelzenkırhen qalasyndaǵy «Feltıns-Arena» stadıonynda ótedi.

S tobynda synǵa túsken Anglııa Serbııany 1:0 esebimen jeńse, Danııamen 1:1, Slovenııamen 0:0 esebimen teń oınady.

Al Slovakııa E tobynda Belgııany 1:0 esebimen jeńip, Ýkraınaǵa 1:2 esebimen ese jiberse, Rýmynııamen 1:1 esebine qanaǵat bildirdi.

Qazirge deıin quramalar 6 márte kezdesse, 5-de Anglııa jeńip, 1-de teń nátıje tirkeldi.

Al 00.00-de Ispanııa men Grýzııa kezdesýi bastalady.

Oıyn Keln qalasyndaǵy «Raın-Energı» stadıonynda ótkiziledi.

V tobynda oınaǵan Ispanııa Horvatııany 3:0, Italııa men Albanııany 1:0 esebimen jeńdi.

F tobynda oınaǵan Grýzııa quramasy Túrkııaǵa 1:3 esebimen jeńilse, Portýgalııany 2:0 esebimen tize búktirip, Chehııamen 1:1 esebine qanaǵat bildirdi.

Qos qarsylas ózara 6 márte kezdecse, 5-de Ispanııa, 1-de Grýzııa basym túsken.

Oıyndar «Qazaqstan» jáne «Qazsport» telearnalarynan tikeleı efırde kórsetiledi.

Eske salsaq, budan buryn 1/8 fınalǵa Shveıtsarııa men Germanııa joldama aldy.