«Eýrazııalyq tehnologııalyq platforma» konsortsıýmynyń tóraǵasy saılandy

ASTANA. QazAqparat - Astanada «Qazaqstanda ǵarysh kúnderi-2016» halyqaralyq semınarynyń aıasynda «Eýrazııalyq tehnologııalyq platforma «Ǵarysh jáne geoaqparattyq tehnologııalar - jahandyq básekege qabilettilik ónimderi» konsortsıýmyna qatysýshylardyń jalpy jınalysy ótti, dep habarlady «QazAqparat» HAA tilshisi.

Konsortsıým 2016 jylǵy 26 mamyrda qazaqstandyq  «Qazaqstan Ǵarysh Sapary» ulttyq kompanııasy» AQ, «Almaty energetıka jáne baılanys ýnıversıteti» men reseılik «Halyqaralyq ǵarysh tehnologııasy» JAQ, «Sovzond» kompanııasy» AAQ, M.V. Lomonosov atyndaǵy MMÝ Ǵylymı saıasat  jáne ǵylymı zertteýler uıymy basqarmasy, sondaı-aq Belarýs Respýblıkasy «Geoaqparattyq júıeler» ulttyq ǵylym akademııasy, Belarýs memlekettik ýnıversıteti arasyndaǵy kelisim negizinde quryldy.

 

Konsortsıým qatysýshylary atap ótkendeı, onyń negizgi maqsaty - biryńǵaı kommýnıkatsııa ortasyn qalyptastyrý,  keńistiktik derekter jáne jerdi qashyqtan zondtaý tehnologııasy negizinde geoınformatıka jáne servıster  salasyndaǵy baǵdarlamalyq ónimder qurý, sheshimder qabyldaýdy qoldaý úshin taldaý aqparattaryn alý. Konsortsıým qatysýshylary Astanada kezdesý ýaqytynda konsortsıýmnyń birlesken jobalar tizbesi men jumys josparlaryn talqylady, sondaı-aq 2016-2017 jyldarǵa arnalǵan Konsortsıým keńesin qurdy.

Jalpy jınalys qorytyndysy boıynsha Konsortsıým tóraǵasy bolyp «Halyqaralyq ǵarysh tehnologııalary» JAQ bas dırektory Andreı Danelıan saılandy. Danelıan atap ótkendeı, eýropalyq jáne reseılik tehnologııalyq platformalarǵa júrgizilgen taldaý mundaı aspaptyń Biryńǵaı ekonomıkalyq keńistik aýmaǵynda oryndy ekenin kórsetti.

Osyǵan baılanysty ETP (Armenııa Respýblıkasy Ekonomıka mınıstrligi, Belarýs Respýblıkasy Memlekettik ǵylym jáne tehnologııalar komıteti, Qazaqstan Respýblıkasy Investıtsııa jáne damý mınıstrligi, Qyrǵyz Respýblıkasy Ekonomıka mınıstrligi jáne Reseı Federatsııasy Ekonomıkalyq damý mınıstrligi) qalyptastyrýdy úılestirýge jaýapty ulttyq organdar aıqyndaldy.