«Eýrazııalyq odaq - keleshegi zor qurylym» - baspasózge sholý

ASTANA. QazAqparat - QazAqparat halyqaralyq aqparat agenttigi sársenbi, 4 maýsym kúni respýblıkalyq buqaralyq aqparat quraldarynda jaryq kórgen ózekti materıaldarǵa sholý jasaıdy.

*** «Egemen Qazaqstan» basylymynyń búgingi sanynda «Memleket taǵdyry - barshamyzdyń jáne árqaısymyzdyń taǵdyrymyz» degen taqyryppen Qazaqstan Respýblıkasy Din isteri agenttiginiń tóraǵasy Marat Ázilhanovpen aradaǵy suhbat jarııalandy. «- Iá, dinı-ekstremıstik jáne lańkestik toptardyń aqparattyq keńistigine shekteý qoıý baǵytynda da naqty jumystar júrgizilýde. Agenttik tarapynan 5000-ǵa jýyq ǵa­lamtor resýrsyna monıto­rıng júrgizildi, 176 materıalǵa din­­taný saraptamasynyń teris qory­tyn­dysy berildi. Onyń 45-iniń Qazaqstan aýma­ǵynda taratylýyna tosqaýyl qoıý jónindegi sot sheshimderi shyqty. Memleket basshysynyń tapsyrmasy boıynsha aǵartýshylyq baǵyttaǵy «E-islam» portaly jasaq­talyp, iske qosyldy. Sony­men qatar, tanymal áleý­mettik jeli­lerde Agenttiktiń resmı pa­raq­­­tary ashyldy. Agenttiktiń res­mı saı­ty úzdiksiz ári sapaly túrde ju­mys júr­gizýde. Din salasyndaǵy bas­ty oqı­ǵalar, qabyldanǵan normatıvtik-qu­qyq­tyq aktiler, jańa qurylymdar men ha­lyq­aralyq sharalar saıtta jedel kórinis ta­bady. Agenttik saıtyn paıdalanýshylar qatarynda elimizdiń ǵana emes, Reseı men AQSh-tyń, basqa da alys-jaqyn shet­el­derdiń ókilderi kóptep sanalady. Paıdalanýshylardy qyzyqtyratyn bar­lyq saýaldarǵa jaýap beriletin arnaıy blogtar da saıtty tartymdy ete túsýde», - deıdi agenttik basshysy.

Osy basylymda «UBT» degen taqyryppen Ulttyq biryńǵaı testileý máselesine arnalǵan materıal berilgen. Altyn uıa mektepke tarydaı bolyp kelip, taýdaı bolyp shyqqan mektep túlekteriniń alǵan bilimin sarapqa salǵan bıylǵy Ulttyq biryńǵaı testileýdiń alǵashqy kúngi qorytyndysy tómendegideı bolyp otyr. Emtıhanǵa elimiz boıynsha alǵashqy kúni ótinish bergen 27 670 túlektiń 26 134-i, ıaǵnı 94,5 paıyzy qatysqan. Testileý qalalar men aýdan ortalyqtaryndaǵy jan-jaqty jabdyqtalǵan 61 pýnkt bazasynda ótkizilgen. Túrli joldarmen synaqtan múdirmeı «ótýdiń» jolyn aldyn ala oılastyrǵan úmitkerlerdiń 5962-sinen uıaly telefon, 1783-inen shpargalka, 121-inen kalkýlıator, 6-ynan fotoapparat, 2-ýinen ratsııa tabylǵan. Sóıtip, olar eskertý alǵan. Al on bir jyl boıy top jaryp, UBT-ǵa óziniń bilimine, biligine, daıyndyǵyna senip kelgen Almaty qalasyndaǵy № 178 lıtseıdiń túlegi Aıǵanym Baqytqyzy Ábdijappar myńdardyń ishinen top jaryp, alaman báıgede eń joǵary 125 baldy qanjyǵasyna baılap, mańdaıy jarqyrady.

«Egemen Qazaqstan» basylymynyń búgingi sanynda « Eýrazııalyq odaq - keleshegi zor qurylym» degen taqyryppen Parlament Májilisiniń depýtaty, «Nur Otan» partııasy fraktsııasynyń múshesi, ekonomıka ǵylymdarynyń kandıdaty Jeksenbaı Dúısebaevtyń kólemdi maqala jarııalandy. «Eýrazııalyq odaq qurý, eýra­zııalyq ıntegratsııalyq baılanys­tar ornatý týraly Qazaqstan Pre­zıdenti Nursultan Nazarbaev budan jıyrma jyl buryn M.V.Lomonosov atyndaǵy Máskeý mem­lekettik ýnıversıtetinde aıt­qan bolatyn. Biraq ta ol kezde bul bastamany iske asyrýǵa qoǵam da daıyn bolmady, egemendigin jańadan alyp jatqan táýelsiz memleketter de ózderiniń ishki máselelerine kóbirek mán berip ketti. Endi jańa ǵasyrdyń ekinshi on­jyldyǵynda Eýrazııalyq eko­nomıkalyq odaq máselesi ózi­niń durys júıesin taýyp, ony iske asyrý jolynda 2011 jyldan bastap naqty jumystar júr­gizile bastady. Eýrazııalyq ekono­mıkalyq qaýymdastyq quryldy. 2011 jyly Qazaqstan, Reseı jáne Belarýs - úsh el arasynda qu­rylǵan Keden odaǵy jumys istep kele jatyr. Keden odaǵynyń tıim­diligin ýaqyt kórsetip otyr»,-deıdi depýtat.

*** «Taý alystaǵan saıyn bıiáákteı túsedi», degen sóz bar. Ýaqyt ótken saıyn óziniń parasattylyǵymen, adamgershilik qasıetimen, azamattyq bolmysymen búkil alash jurtynyń júreginiń tórinen oryn alǵan Dinmuhamed Qonaevtyń júrip ótken joly kim-kimge de úlgi ónege. Kózden ketse de, kóńilden ketpegen ult qaıratkerináiń tirshiliginde miángen «Chaıka» avtomobıli bul kúnderi Qapshaǵaıda tur. Bul temir turlpardyń Qapshaǵaıǵa oralýyna osy qaladaǵy halyq úshin kóp jumys jasap júrgen Murat Sirgebaev degen azamat muryndyq bolyp, «Dinmuhammed Qonaevty qapshaǵaılyqtar eske alyp júrsin» dep kólikti satyp alyp kelipti. Onyńi eski kólikterdi jamap-jasqap kádege asyryp júretin áýesqoılyǵy da bar eken. Bul týraly «Aıqyn» gazetiniń búgingi sanyndaǵy «Qonaev mingen kólik» degen maqaladan oqısyzdar.

***

«Kazahstanskaıa pravda» gazetinde « A sosedı nablıýdalı ız okon... » degen materıal basyldy. «Tótenshe oqıǵa qalaı bolǵany jaıynda qazirgi kezde anyqtalýda. 82 jasar zeınetker ájeı tańerteńgilik tórtinshi qabattaǵy óziniń páteriniń balkonynan qulap ketken. Abyroı bolǵanda zeınetker birinshi qabattaǵy dúkenniń shatyryna qulap, aman qalǵan. Alaıda onyń aıaǵy synyp, birneshe jerden jaraqat alǵan», - dep jazady basylym.

***

«Ekspress-K» basylymynyń búgingi sanynda « Hanskaıa vstavka » atty maqala basyldy. Derekti kınonyń qazaqstandyq rejısseri Qalıla Omarov Kenesary hannyń basy qaı jerde bolýy múmkin ekenin shamamen biletinin alǵa tartýda. Ol bul qupııany balasymen birlese túsirip jatqan óziniń jańa kartınasynda ashpaq.