Eýrazııalyq odaq elderinde esepten shyǵarylmaǵan kólikterdi zańdastyrý keıinge qaldy

ASTANA. QazAqparat – Іshki ister mınıstrligi Ákimshilik polıtsııa komıtetiniń tóraǵasy Qaısar Sultanbaev Eýrazııalyq odaq elderinde esepten shyǵarylmaǵan kólikterdi zańdastyrý keıinge qalǵanyn málim etti, dep habarlaıdy QazAqparat tilshisi.

«Eýrazııalyq ekonomıkalyq odaq elderinde esepten shyǵarylmaǵan avtokólikterdi zańdastyrýdy

keıinge qaldyrý týraly sheshim qabyldandy. Alaıda, basqa elde burynǵy tirkelgen jeri boıynsha olar esepten shyǵarylǵan jaǵdaıda ıelerin bastapqy tirkeýden ótýge nemese olardy keri áketýge mindetteı otyryp, 5 jyl merzimge ýaqytsha esepke qoıady. Ýaqytsha esepke qoıý kezinde Qazaqstan Respýblıkasynyń kólik quralyn tirkeý týraly kýáligi jáne memlekettik nómirlik belgileri beriletin bolady», - dedi ol.

Qaısar Sultanbaev mundaı kezde tirkeý týraly kýálikte «ýaqytsha esepke alý, ıelikten shyǵarý jáne Qazaqstan Respýblıkasynan tys jerlerge shyǵý quqyǵynsyz» degen jazbalar kórsetiletinin túsindirdi.

«Shetel avtokólikteriniń tirkeý qujattary men memlekettik belgileri Memlekettik korporatsııaǵa saqtaýǵa tapsyrylady. Qazaqstan azamattary atalǵan avtokólikterdi elden tys jerlerge áketýge sheshim qabyldasa, olar Qazaqstan Respýblıkasynyń tirkeý qujattary men memlekettik nómirlerin tapsyrýy kerek. Sodan keıin olarǵa shet memlekettiń tirkeý qujattary men memlekettik nómirleri qaıtarylatyn bolady», - dedi komıtet tóraǵasy.

Al atalmysh avtkólikterdi Qazaqstan azamattary Qazaqstanda bastapqy tirkegisi kelse:

- aldymen, burynǵy tirkelgen elinde esepten shyǵarady;

- olarǵa 200 000 teńge mólsherinde bastapqy tirkeý úshin alym tóleıdi.

«ıAǵnı, olarǵa zańdastyrý sharttary qoldanylady jáne ýtılızatsııalyq alym tólenbeıdi. Biz bul jumysty 17 shildeden bastaýdy josparlap otyrmyz. Qazir biz avtokólikterdi ýaqytsha esepke qoıý úshin tıisti servısti pysyqtap jatyrmyz», - dedi ol.