Eýrazııalyq ekonomıkalyq odaqta biryńǵaı valıýta engizile me
20:46, 04 Aqpan 2021
ALMATY. QazAqparat - Ekonomıka jáne qarjylyq saıasat jónindegi Eýrazııalyq ekonomıkalyq komıssııa alqasynyń múshesi Tımýr Jaqsylyqov EAEO sheńberinde jaqyn arada biryńǵaı valıýta engizilýine qatysty suraqqa jaýap berdi, dep habarlaıdy QazAqparat tilshisi.
«Bul - eń jıi qoıylatyn suraq. Eýrazııalyq ekonomıkalyq odaq aıasyndaǵy birde-bir kelisimshartta, EAEO sheńberindegi birde-bir aktide biryńǵaı valıýta engizý týraly aıtylmaǵan. Mundaı jospar joq. 2025 jylǵa deıingi damý strategııasynda mundaı jospar joq. Bul týraly kelissózder júrgizilmeıdi jáne bul taqyryp talqylanbaıdy. Meniń oıymsha, biryńǵaı valıýtany engizýdiń obektıvti alǵysharttary áli jetile qoıǵan joq», - deıdi Tımýr Jaqsylyqov.