Eýrazııalyq qaıta saqtandyrý kompanııasy qurylady: Qazaqstan 25 mlrd teńge jarna quıady

<p>Saýda jáne ıntegratsııa mınıstrligi qurylatyn Eýrazııalyq qaıta saqtandyrý kompanııasynyń jarǵylyq kapıtaly qansha bolatynyn jarııalady, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Bul turǵyda palata otyrysynan keıingi baspasóz máslıhatynda tilshiler atalǵan kompanııanyń jarǵylyq kapıtalyna qatysty Saýda jáne ıntegratsııa mınıstrliginiń vıtse-mınıstri Qaırat Tórebaevqa suraq qoıdy.

«Qurylatyn Eýrazııalyq qaıta saqtandyrý kompanııasynyń jarǵylyq kapıtalyna toqtalsaq, Qazaqstannyń jarnasy 20 paıyzdy qurady, ıaǵnı 25 mlrd teńge shamasynda. Budan bólek, Belarýs – 30 paıyz, Reseı – 45 paıyz, Armenııa – 3 paıyz, sondaı-aq Qyrǵyzstan 2 paıyz kóleminde jarǵylyq kapıtalǵa qarjy salady. Bul qarajatty bir ret salamyz jáne bul aqsha kompanııa ishinde aınalymda bolady», – dedi Q. Tórebaev.

Budan buryn habarlanǵandaı, búgin Senattyń jalpy oltyrysynda «Eýrazııalyq qaıta saqtandyrý kompanııasyn qurý týraly kelisimdi ratıfıkatsııalaý týraly» Zań maquldandy.

Zańnyń maqsaty – taraptardyń ekonomıkalyq ósýine járdemdesý, ózara jáne syrtqy saýda-ekonomıkalyq baılanystaryn keńeıtý baǵytynda 2022 jylǵy 20 qazanda Erevan qalasynda EAEO-ǵa múshe memleketter qol qoıǵan Eýrazııalyq qaıta saqtandyrý kompanııasyn qurý.