Eýrazııada dıalog qurýda álem memleketteri Elbasynyń tarıhı rólin daýsyz moıyndaıdy – Dáýren Abaev
Eýrazııa elderi parlamentteri tóraǵalarynyń IV Keńesiniń qorytyndysy týraly QR Aqparat jáne qoǵamdyq damý mınıstri Dáýren Abaev osyndaı pikir bildirdi, dep habarlaıdy QazAqparat tilshisi.
«Osy aptada Eýrazııa elderi parlamentteri tóraǵalary tórtinshi márte kezdesti. Buǵan deıin mundaı aýqymdaǵy kezdesýler Máskeýde, Seýlde jáne Antalııada ótken edi. Bizdiń elorda dál osy aýqymdy sharany ótkizgen tórtinshi qala boldy. Kóptegen sarapshy atap ótkendeı, qazirdi kezeńde parlamenttik dıplomatııanyń mańyzy qatty ósip keledi. Zańnamalyq deńgeıdegi baılanystar búgingi kúni búkil álemde daýly suraqtarǵa núkte qoıady. Buny op-ońaı túsindirýge de bolady. Bul elderdiń parlamentteriniń bárin halyq saılap alǵan. Sol sebepti, bizdiń elge 65 memlekettiń ókiliniń, onyń ishinde spıkerleriniń, 14 halyqaralyq uıym ókiliniń bas qosýy – óte úlken mańyzdy jaıdy bildiredi», - dedi Dáýren Abaev «Habar» arnasyndaǵy «Ashyq dıalog» baǵdarlamasynda.
Mınıstrdiń aıtýyna qaraǵanda, aıtýly Qazaqstannyń Tuńǵysh Prezıdenti - Elbasy Nursultan Nazarbaevtyń qatysýy – halyqaralyq sharaǵa erekshe mártebe bergen.
«Óz sózinde Elbasy Eýrazııalyq dıalogty ary qaraı bekemdeýde mańyzdy usynystaryn aıtty. Sharanyń nátıjesi týraly aıtar bolsaq, 18 pýnktten turatyn aýqymdy qorytyndy málimdemege qol qoıyldy. Onda Keńeske qatysýshylar Eýrazııa kontınentinde yntymaqtasý qaǵıdattaryna yntaly ekenderin bildirdi. Parlamentarııler sonymen birge Eýrazııa aýmaǵynda Nursultan Nazarbaevtyń ıntegratsııalyq protsesterdi bekemdeýde orasan zor tarıhı úlesin erekshe atap ótti. Bul jerde mańyzdy bir nıýans bar: bul málimdeme konsensýs negizinde qabyldandy. ıAǵnı, barlyq 65 memleket qorytyndy málimdememen kelisýi kerek. Olar bul málimdemede bizdiń qurlyqtyń aýqymdy keńistiginde dıalogty qurýda Elbasynyń tarıhı rólin daýsyz moıyndaıdy», - dedi Dáýren Abaev.
Eske sala ketsek, sanaýly kún buryn Táýelsizdik saraıynda Eýrazııa elderi parlamentteri tóraǵalarynyń IV Keńesi ótip, Eýrazııa elderi parlamentteriniń tóraǵalary birlesken málimdeme qabyldaǵan bolatyn.