«Eýrazııa» jobasy munaı óndirý quldyraǵan ýaqytta jańa ken oryndaryn iske qosý turǵysynan ózekti - U. Qarabalın

ASTANA. QazAqparat - «Eýrazııa» jobasy munaı óndirý quldyraǵan ýaqytta jańa ken oryndaryn iske qosý turǵysynan ózekti. Bul týraly búgin Ortalyq kommýnıkatsııalar qyzmetinde ótken brıfıng barys ynda Energetıka birinshi vıtse-mınıstri Uzaqbaı Qarabalın málim etti.

Brıfıng Elbasy aıqyndaǵan «100 qadam» Ult jospary aıasynda jer qoınaýyn paıdalaný salasyndaǵy ilgeri reformalar taqyrybynda ótken bolatyn.

«Eýrazııa» halyqaralyq jobasy qazirgi tańda daıyndyq fazasynda tur. Biz bul jobany tutastaı Kaspıı mańy oıpatyndaǵy negizgi kómirsýtektiń resýrstyq qorlaryn barlap, zertteýler boıynsha qarastyramyz. Aıta keterligi, shamamen 2030-2040 jyldary Qazaqstan boıynsha tutastaı alǵanda munaı óndirý azaıa túsedi, sondyqtan da, sol ýaqyttarda bizdiń elimizde daıyn ári aýqymdy resýrstar bolýy tıis. ıAǵnı, Qazaqstanda munaı óndirýdiń tabıǵı quldyraýy oryn alǵan tusta onyń ornyn jańa iri ken oryndarymen tolyqtyrýymyz kerek», - dedi Uzaqbaı Qarabalın.

Onyń aıtýynsha, Kaspıı mańy oıpaty álemdegi eń biregeı aımaqqa jatady jáne onda kómirsýtek shıkizatynyń qory aıtarlyqtaı basym.

«Jeńil alynatyn, arzan óndiriletin munaı, jeńil daıyndalatyn resýrstar dáýiri aıaqtalyp keledi. Endeshe, Kaspıı mańy oıpatynda keleshekte ashylatyn iri ken oryndarynyń birshama tereńde jatqanyn eskerý kerek. Bul baǵytta birqatar elderdiń, máselen tereńdigi 9 myń metrden asatyn ken oryndary boıynsha Meksıka buǵazy elderiniń tájirıbeleri barshylyq. Osy turǵydan qarasaq, ondaı tereńdikte Kaspıı mańynda da alyp, sýpergıgant ken oryndarynyń ashylý yqtımaldyǵy arta túsedi. Sondyqtan da, osyǵan súıene otyryp, biz respýblıkamyzdyń resýrstyq bazasyn qoldaýdy jalǵastyratyn bolamyz», - dedi U. Qarabalın.