Eýrazııa ulttyq ýnıversıtetinde jańa jataqhana qurylysy bastaldy
Bul týraly EUÝ rektory Erlan Sydyqov Sybaılas jemqorlyqqa qarsy qyzmettiń ANTIKOR ortalyǵynda aıtyp berdi.
«Jataqhana máselesi - Qazaqstanda ǵana emes, kóptegen elderde ózekti bolyp otyr. Stýdent sany artyp kele jatyr, al úlken qaladaǵy ýnıversıtetterge jer jetpeıdi. Úsh jyl buryn Tuńǵysh Prezıdent - Elbasy respýblıka boıynsha 75 myń oryndyq jataqhana salýdy tapsyrdy. Osy oraıda Bilim jáne ǵylym mınıstrligi úlken joba jasap, jataqhanalar salyna bastady. Árıne, bul jerde memlekettik qarajattyń az ekenin, ýnıversıtetterde aqshanyń az ekenin aıtýymyz kerek. Osy turǵyda bizdiń mınıstrlik Qarjy ortalyǵyn ashyp, ınvestorlarǵa jaqsy jaǵdaı jasap berdi. Sodan keıin ınvestorlar kelip jatyr», - dedi Erlan Sydyqov.
Rektordyń aıtýynsha, ótken aptada EUÝ stýdenteri úshin 2,5-3 myń oryndyq jataqhana qurylysy bastaldy.
«Bul - memlekettiń de, ýnıversıtettiń de aqshasy emes, ınvestorlar qarajatyna salynady. Munda 5-6 jataqhana ǵımaraty bólek qalashyq bolyp turady. Qazaqstanda alǵash ret ınvestorlar kómegimen jataqhana máselesin sheshkeli otyrmyz», - dedi E. Sydyqov.
Sonymen birge, E. Sydyqov jemqorlyq qaýipti azaıtý úshin oqýǵa qabyldanǵan 1 kýrs stýdentteriniń jataqhanadan oryn alý protsesiniń onlaın júrgiziletinin aıtty.
«Stýdentter jataqhanadan oryn alý ótinishin ınternet arqyly jiberedi. Jyl boıy jataqhanada turǵan stýdenttiń tártip buzǵany anyqtalsa, kelesi jylǵa ótinishi avtomatty túrde qabyldanbaıdy», - dedi EUÝ rektory.