Eýrazııa damý banki men
dep habarlaıdy QazAqparat Eýrazııa damý bankine silteme jasap.
Kelisimge sáıkes bank "Syrymbet" AQ-na 10 jyl merzimge 48,7 mıllıon dollar kóleminde nesıe beredi. Joba aıasynda óndirý jáne ken baıytýdan bastap metaldyq qalaıy óndirýge deıingi barlyq kezeńdi qamtıtyn tolyq tsıkldi jańa óndiris iske qosylmaq. Kásiporyn Qazaqstandaǵy - jalǵyz, al Ortalyq Azııadaǵy iri "Syrymbet" qalaıy ken ornyn qoldanady. Salynatyn jańa óndiris úshin qural-jabdyqtar Reseı, Qazaqstan jáne taǵy basqa birqatar elderden satyp alynbaq. Jylyna 6 myń tonnalyq metaldyq qalaıy óndiretin jobalyq qýatyna iske qosylǵannan keıin 1 jyldan keıin qol jetkizbek. Alǵashqy jyly jobalyq qýatynyń 50 paıyzy kóleminde taýarlyq ónim óndiretin bolady. Investıtsııalyq bul jobanyń jalpy quny 70 mıllıonan astam dollarǵa baǵalanyp otyr. Ol 2010-2014 jyldarǵa arnalǵan Qazaqstannyń údemeli ındýstrııalyq-ınnovatsııalyq memlekettik damý baǵdarlamasy aıasynda júzege asyrylady. Kásiporyn óniminiń TMD elderiniń qalaıyǵa degen suranysyn jabýǵa múmkindigi bar. Eýrazııa damý bankiniń baǵalaýy boıynsha, bul jobany júzege asyrý kezinde taıaýdaǵy jyldary Qazaqstan men Reseıde tikeleı jáne aralas salalarda 3,5 myńdaı jańa jumys orny qurylmaq.