EÚK otyrysynda qara jáne tústi metall qaldyqtaryn Qazaqstan aýmaǵynan shyǵarý máselesi qaralady

NUR-SULTAN. QazAqparat - 4 jeltoqsanda Odaqtas elder úkimet basshylarynyń qatysýymen Eýrazııalyq úkimetaralyq keńestiń otyrysy beınekonferentsııa rejıminde ótedi. Bul týraly Eýrazııalyq ekonomıkalyq komıssııa alqasy tóraǵasynyń kómekshisi Iıa Malkına onlaın brıfıngide aıtty, dep habarlaıdy QazAqparat tilshisi.

Otyrys barysynda toǵyz másele qaralady. Atap aıtqanda, tehnıkalyq retteý mınıstri Vıktor Nazarenko túzetýler, tehnıkalyq reglamentter, tamaq ónimderiniń qaýipsizdigi jáne oǵan qatysty qujattar jıyntyǵy týraly esep beredi.

«Básekelestik jáne monopolııaǵa qarsy retteý mınıstri Arman Shakkalıev Úkimet basshylaryna bıyl 17 shilde kúni úkimetaralyq keńeste komıssııa bergen tapsyrmalaryn oryndaýy týraly esep beredi. ıAǵnı, memlekettik satyp alý maqsatynda taýarlardyń jekelegen túrleriniń shyqqan elin anyqtaý erejeleri boıynsha jumys barysy týraly. Bolashaqta bul Odaq elderiniń memlekettik satyp alýlaryna qoljetimdi bolatyn ónerkásiptik taýarlardyń eýrazııalyq tizilimin qalyptastyrýǵa yqpal etedi», - deıdi Eýrazııalyq ekonomıkalyq komıssııa alqasy tóraǵasynyń kómekshisi Iıa Malkına.

Onyń aıtýynsha, Eýrazııalyq úkimetaralyq keńestiń otyrysynda qara jáne tústi metall qaldyqtaryn Qazaqstan aýmaǵynan Odaq quramyndaǵy basqa elderge temirjol quraly arqyly shyǵarý máselesi qaralady.

«Eske sala keteıik, Qazaqstan Respýblıkasy osy másele boıynsha Eýrazııalyq ekonomıkalyq komıssııa alqasynyń sheshimine shaǵymdaný quqyǵyn paıdalandy», - deıdi ol.